Engin 4.M lengur ...

Já góðir hálsar. Ég er loksins búin að fá mér nýjan síma, og ég elska hann. Það er myndavél í honum. Ég sagði nú einu sinni að myndavélasími væri mesti óþarfi, en í dag nýttist mér myndavélin.

Í dag var nefnilega síðasti dagurinn í skólanum. Það var frekar sorglegt, því 4.M verður aldrei aftur til. Reyndar eru 11 vorpróf eftir, eitt próflokapartý og tjaldferð með árgangnum. Strákarnir keyptu 2 bækur handa Inga stærðfræðikennara og vindil. Ein bókin var leiðarbók fyrir rauðhærða. Svo sömdu strákarnir lag um hann.

Fengum við námseinkunirnar í dag. Fékk 10 í íþróttum, eina stelpan í bekknum. Svo fékk ég 8 í öllum greinunum nema 7 í þýsku og 6 í stærðfræði. Ég er sátt :D.

Ég sendi FM957 e-mail. Ég skráði Freyju í Bridget Jones leikinn. Hún var ekki sátt. Við gætum unnið utanlandsferð. Ég heyrði reyndar ekki þegar útvarpsfólkið las þetta upp en frétti að þeir hafi grátið.

Mætti á skólafund í dag. Þar þurfti að kjósa aftur í ljósmyndanefnd útaf kosningin var ólögleg. Ég vona að ég komist inn ... aftur =).

Fór í 22:20 bíó í gær. Mæli með Blades of Glory, en mæli ekki með því að fara svona seint að sofa. Svaf í 3 tímum í morgun.

Trúi því eiginlega ekki að prófin séu að byrja á morgun.

En ég ætla að fara heim til Gunnars í grillmat. Hjólandi í góða veðrinu.

,, Ég verð að viðurkenna það að mér leist ekkert á þennan bekk þegar við byrjuðum skólaárið, en þið eruð alltaf á uppleið.'' - Sagði Bjarni enskukennari við viðskilnaðinn í morgun ....