Lærdómshöllin

Já góðir hálsar. Á föstudaginn fór ég í mitt fyrsta vorpróf sem var íslensk ritgerð. Ég valdi mér frábært umræðuefni; Höfuðborgin og landsbyggðin. Við gerðum það öll við sveitafólkið. Gekk bara vel. Ég var samt búin mjög snemma, en missti af strætó útaf Ingólfur var með bókina mína og ég þurfti að fá hana. Hann bætti mér það upp með að bjóða mér far heim.

Um leið og ég kom heim var pakkað öllum skólabókunum ofan í tösku ásamt sundfötum og náttfötum, því förinni var heitið uppí bústað yfir helgina með Láru og Valdísi. Við komum við í Bónus í Borgarnesi og versluðum mat ... eða réttara sagt nammi.

Við lærðum allt föstudagskvöldið. Enda hörkuskvísur. Fórum í pottinn í 5 mínútur.

Vöknuðum snemma á laugardagsmorgninum og ætluðum að skella okkur í sund í Borgarnesi til að byrja daginn. Lára ökuþór missti stjórn á bílnum í lausamölinni og við slæduðum á veginum eins og enginn væri morgundagurinn áður en við fórum útaf. Mér leið eins og þetta tæki heila eilífð og mér fannst við næstum lenda lóðrétt í vegarkantinum. En allt fór vel að lokum og enginn dó.

Lærðum svo allan laugardaginn. Ég lærði að sjálfsögðu bara stærðfræði, þrátt fyrir þá staðreynd að ég væri að fara í 3 klst stúdentspróf í dönsku á mánudeginum. Tók mig reyndar til núna í morgun og las aðeins í Dansk er mange ting.

En ég ætla bara að klára þetta blogg, borða grillmat, fara aðeins yfir dönskuna og horfá Dexter.

Kannski maður ætti að hringja í Ásgerði, svona aðeins til að sýna lit? ;)

Hejza.